“Qəbələ” – “Qarabağ” matçı təxirə salınıb

Azərbaycan Premyer Liqasının 23-cü turunun “Qəbələ” – “Qarabağ” oyunu təxirə salınıb.

Komanda.az xəbər verir ki, bu barədə Peşəkar Futbol Liqası (PFL) məlumat yayıb.

Bildirilib ki, “Qarabağ”ın rəsmi müraciəti və “Qəbələ”nin razılıq məktubunu nəzərə alan PFL əsasnamənin 6-cı maddəsinin 2-ci bəndinə əsasən, ağdamlıların Azərbaycanı UEFA Avropa Liqasında layiqincə təmsil etməsi məqsədilə qarşılaşmanı təxirə salıb.

Oyunun hansı tarixdə baş tutacağı ilə bağlı hələ ki, qərar verilməyib. Ancaq klubların əvəzedici heyətləri arasındakı matç təqvimə uyğun şəkildə reallaşacaq.

23-cü turun digər görüşləri fevralın 17-18-də keçiriləcək.