“Uğurun açarı paltardəyişmə otağındakı atmosferdir” – Ançelotti

“Real”ın baş məşqçisi Karlo Ançelotti Çempionlar Liqasının qrup mərhələsinin 5-ci turunda “Napoli” ilə oyunda qazandıqları qələbədən (4:2) danışıb.

Komanda.az “Football Italia”-ya istinadən xəbər verir ki, o, matçı belə şərh edib:

“Hər iki komanda üçün çox açıq oyun oldu, geri çəkilmədik, çoxlu qollar və imkanlar oldu. Yorğunluq başlayan kimi nəticə əldə etmək üçün təzə güc tapdıq. Düşünürəm ki, uğurun açarı paltardəyişmə otağındakı atmosferdir, burada oyunçular çox diqqətli və peşəkardırlar. Düşünürəm ki, belə gecələrdə bu vacibdir”.

“Real”ın 15 xalı var və C qrupuna başçılıq edərək pley-offa vəsiqə qazanıb. “Napoli” 7 xalla ikincidir.