“Leyptsiq”dən Vernerə: “Özünə klub tap”

“Leyptsiq”in hücumçusu Timo Verner komandadan ayrılacaq.

Komanda.az xarici KİV-ə istinadən xəbər verir ki, klub rəhbərliyi 27 yaşlı forvardın performansından məmnun deyil. Bundesliqa təmsilçisinin idman direktoru Ruven Şröder bu barədə yerli mətbuata açıqlama verib:

“Vernerə özünə yeni klub tapmasını bildirdik. Ona qarşı açıq və dürüst olduq”.

“Leyptsiq” Timo Verneri ötən ilin yayında “Çelsi”dən transfer edib. Almaniya millisinin üzvü cari mövsümdə komandanın heyətində meydana çıxdığı 13 matçda 2 qol və 1 məhsuldar ötürmə ilə yadda qalıb.