“Məqsədimiz heç-heçə yox, qələbə idi” – Ançelotti

“Real”ın baş məşqçisi Karlo Ançelotti “Barselona” ilə İspaniya çempionatının 11-ci turunun matçında qazandıqları qələbəni (2:1) şərh edib.

Komanda.az Madrid klubunun rəsmi saytına istinadən xəbər verir ki, o, komandasının ilk hissədən fərqli olaraq, ikinci hissədə oyunun dinamikasını dəyişdirə bildiyini söyləyib:

“Bəzən istədiyin kimi oynamırsan. İlk hissədə ən yaxşı səviyyədə çıxış edə bilmədik. Bu baş verə bilər. Başlanğıcda problemlər yaşadıq və fərdi çıxışlarımızda o qədər də inandırıcı deyildik. Xoşbəxtlikdən ikinci hissə fərqli keçdi və qələbə qazana bildik.

Məqsədimiz heç-heçə yox, qələbə idi. Hesabı bərabərləşdirəndə dinamikanı dəyişə bildik. Bu, bizə daha çox güc verdi və “Barselona”nı zəiflətdi, çünki o vaxta qədər daha yaxşı oynayırdılar. Bu, çox çətin meydanda qazanılan üç xaldır”.

Hazırda İspaniya çempionatının turnir cədvəlinə 28 xalla “Real” başçılıq edir. “Barselona” isə 24 xalla üçüncü pillədə qərarlaşıb.