“Barselona” daha bir futbolçunu heyətinə qatdı

“Barselona” “Mançester Siti”nin müdafiəçisi Joao Kanselonu icarəyə götürüb.

Komanda.az klubun rəsmi saytına istinadən xəbər verir ki, klublar arasında müqavilə 2024-cü ilə qədər qüvvədədir. Kataloniya klubunun oyunçunu satın alma variantı yoxdur.

29 yaşlı portuqaliyalı futbolçu 2019-cu ildən “Mançester Siti”də çıxış edir. O, “şəhərlilər”in heyətində 154 oyuna çıxıb, 9 qol vurub və 22 məhsuldar ötürmə edib.

Kanselo ötən mövsümün ikinci hissəsində “Bayern”də icarə əsasında çıxış edib.