“Real” Benzemanın yerinə hücumçu transfer edəcək? – Açıqlama

“Real”ın baş məşqçisi Karlo Ançelotti klubu tərk edən Kərim Benzemanın yerinə forvard transfer edib-etməyəcəkləri ilə bağlı sualı cavablandırıb.

Komanda.az “Radio Serie A”-ya istinadən xəbər verir ki, o, Çud Bellingemin Benzemanın yoxluğunu doldura biləcəyini deyib:

“İnanırıq ki, Çud Bellingemin gəlişi Benzemanın yoxluğunu dolduracaq. O, yüksək keyfiyyətlərə malikdir. Eyni zamanda, olduqca ciddi oğlandır. Oyun tərzinə baxanda və yaşını eşidəndə (20 yaş) adam təəccüblənir”.

Fransa millisinin keçmiş üzvü Kərim Benzema yay transfer pəncərəsində “kral klubu”nu tərk edib. O, hazırda karyerasını Səudiyyə Ərəbistanının “Əl-İttihad” klubunda davam etdirir.