UEFA-dan Məsiyevə yeni təyinat

Azərbaycanlı FİFA referisi Elçin Məsiyev UEFA-dan təyinat alıb.

Komanda.az Avropa futbol qurumunun rəsmi saytına istinadən xəbər verir ki, o, Litvada “Jalgiris” və Şimali Makedoniyanın “Struqa” komandaları arasında keçiriləcək UEFA Çempionlar Liqasının birinci təsnifat mərhələsinin ilk qarşılaşmasını idarə edəcək.

Məsiyevə laynsmanlar qismində Elşad Abdullayev və Pərvin Talıbov yardımçı olacaq. Dördüncü hakim funksiyasını Kamal Umudlu yerinə yetirəcək.

İyulun 11-də baş tutacaq görüş Bakı vaxtı ilə saat 20:00-da start götürəcək.