“Diqqətimizi yalnız futbola yönəldə bilsək, yaxşı olar” – Tuxel

“Bayern”in baş məşqçisi Tomas Tuxel komandanın durumu haqda danışıb.

Komanda.az “Sky Sport”-a istinadən xəbər verir ki, o, təkmilləşmək istədiklərini söyləyib:

“Bütün məsələlər sona çatsa və diqqətimizi yalnız futbola yönəldə bilsək, yaxşı olar. Qarşıda bizi çoxlu işlər gözləyir.

Daha sürətli və yaxşı olmalıyıq. Bütün məsələlərdə təkmilləşmək istəyirik. Birlikdə olmaq lazımdır”.

“Bayern” Almaniya çempionatının 34-cü turunda “Köln”ü məğlub edib (2:1) və çempionluğu rəsmiləşdirib. “Borussiya” (Dortmund) isə “Maynts”la matçda xal itirib (2:2). Onlar mövsümü ikinci pillədə bitiriblər və gümüş medallara yiyələniblər.

“Köln”lə qarşılaşmadan sonra “Bayern” klubun icraçı direktoru Oliver Kanla və idman direktoru Hasan Salihamiciçlə yollarını ayırdığını açıqlayıb.