“Kəpəz” Türkiyədə ilk məşqə çıxdı

Bu gün təlim-məşq toplanışı üçün Türkiyəyə yollanan “Kəpəz” Antalyanın Bələk qəsəbəsinə çatan kimi oteldə qısa istirahətin ardından hazırlığa başlayıb.

Komanda.az xəbər verir ki, günün ilk məşqində baş məşqçi Tərlan Əhmədov yetirmələrini fitnes zalında bir araya gətirib.

Hazırlıq prosesi təxminən 30 dəqiqə çəkib. Futbolçular müxtəlif fiziki hərəkətlər üzərində çalışıblar.