PSJ rəsmisi Mbappedən narazıdır

PSJ-nin idman direktoru Luis Kampos komandanın hücumçusu Kilian Mbappe barədə danışıb.

Komanda.az “Le 10 sport”-a istinadən xəbər verir ki, portuqaliyalı funksioner gənc hücumçunun potensialını bütünlüklə ortaya qoymamasından narazılıq edib:

“Mbappe potensialının yalnız 40-50 faizindən istifadə edir. Mən bunu ona hər gün deyirəm. O, daha da faydalı ola bilər”.

Mbappe 2018-ci ilin iyulundan PSJ-də çıxış edir. O, Paris klubunda 237 oyuna çıxıb, 190 qol vurub və 93 məhsuldar ötürmə edib.