Yalnız Komanda.az-da: “Qarabağ” Vadjini Azərbaycan futbolu üçün rekord məbləğə satdı!

Seneqallı hücumçu İbrahima Vadji “Qarabağ”dan ayrılıb.

27 yaşlı futbolçu yaxın günlərdə Fransanın “Sent Etyen” klubu ilə müqavilə imzalayacaq.

Komanda.az-ın əldə etdiyi məlumata görə, “Qarabağ” hücumçusunu fransalılara 1,7 milyon avroya (2,8 milyon AZN) satıb. Bu isə Azərbaycan futbolu üçün rekord göstəricidir. İndiyə qədər Azərbaycandan heç bir futbolçu bu qiymətə satilmayıb.

Seneqallı forvard 2021-ci ilin yayından “Qarabağ”da çıxış edirdi. Ağdam təmsilçisi həmin vaxt Vadjini Norveçin “Hauqesund” klubundan 600 min avroya transfer etmişdi (transfermarkt).

Vadji Ağdam klubunda 36 oyunda 26 qol və 3 məhsuldar ötürmə ilə yadda qalıb.