Son oyunda heç-heçə

Futbol üzrə İspaniya La Liqasında 34-cü tura yekun vurulub.

Komanda.az xəbər verir ki, turun ilk matçında “Sevilya” ilə “Kadis” üz-üzə gəlib. Komandalar bu oyundan hərəyə 1 qol və 1 xalla ayrılıblar.

Çempionluğu rəsmiləşdirmək üzrə olan “Real” bu turda “Espanyol”u qonaq edib. Dörd cavabsız qolla qalib gələn Madrid təmsilçisi sona 4 tur qalmış bütün rəqibləri üçün əlçatmaza çevrilib. Bu, “Real”ın 35-ci ölkə çempionluğudur.

Madridin digər təmsilçisi “Atletiko” isə səfərdə “Atletik”ə məğlub olub.

Bazar günü daha dörd qarşılaşma baş tutub. “Elçe” – “Osasuna”, “Qranada” – “Selta” və “Rayo Valyekano” – “Real Sosyedad” oyunları eyni hesabla (1:1) başa çatıb.

Son turlarda enişli-yoxuşlu qrafik cızan “Barselona” isə “Kamp Nou”da “Malyorka”nı qəbul edib. Kataloniya təmsilçisi nəhayət ki, bu oyundan qalib ayrılmağı bacarıb.

Turun son matçında “Xetafe” “Betis”lə heç-heçə oynayıb.

İspaniya La Liqası, 34-cü tur

29 aprel

Sevilya – Kadis 1:1
Qol: En Nesiri, 7 – L.Peres, 66.

30 aprel

Alaves – Vilyarreal 2:1
Qol: Laquardiya, 4. Eskalante, 31 – Çukvueze, 47.

Real – Espanyol 4:0
Qol: Rodriqo, 33; 43. Asensio, 55. Benzema, 81.

Valensiya – Levante 1:1
Qol: Duro, 27 – Duarte, 81.

Atletik – Atletiko 2:0
Qol: Hermoso, 8-öz qapısına. Uilyams, 56-pen.

1 may

Elçe – Osasuna 1:1
Qol: Milya, 84 – Budimir, 67-pen.

Qranada – Selta 1:1
Qol: Milya, 90+2 – Puertas, 72-öz qapısına.

Rayo Valyekano – Real Sosyedad 1:1
Qol: Falkao, 77 – Sorlot, 33.

Barselona – Mayorka 2:1
Qol: Depay, 25. Buskets, 54 – Railyo, 79.

2 may

Xetafe – Betis 0:0