Tokio-2020: Daha 19 nəfərdə koronavirus aşkarlandı

Tokio-2020 Yay Olimpiya Oyunlarında koronavirusa yoluxanların sayı növbəti dəfə artıb.

Komanda.az xəbər verir ki, son bir gündə daha 19 nəfərdə koronavirus aşkarlanıb. Bu barədə Təşkilat Komitəsinin mətbuat xidməti məlumat yayıb. Onlardan üçü idmançı, digərləri isə podratçı, jurnalist və personal üzvləridir.

Bununla da Tokio-2020-dəki yoluxma sayı 110-a çatıb.

Tokio-2020-nin açılış mərasimi bu gün olacaq. Olimpiadaya avqustun 8-də yekun vurulacaq. Daha əvvəl Təşkilat Komitəsi yoluxma artacağı təqdirdə, yarışın ləğv edilə biləcəyini açıqlayıb.