PSJ Mbappenin qiymətini aşağı saldı

PSJ klubu yeni müqavilə danışıqlarında razılığa gələ bilmədiyi Kilian Mbappeni yayda sata bilər.

Komanda.az xəbər verir ki, bu barədə “Le Parisien” nəşri məlumat yayıb. Paris klubu yeni sözləşmə imzalamayan fransalı hücumçunun 2022-ci ildə komandadan azad agent kimi ayrılmasını istəmir.

PSJ Mbappeni 120-150 milyon avro qarşılığında satmağa razıdır. Hücumçu üçün bundan əvvəl tələb olunan məbləğ 200 milyon avro idi.

Mbappenin PSJ ilə sözləşməsi 2022-ci ilin yayına qədərdir. 22 yaşlı hücumçu bu mövsüm Liqa 1-də 25 oyunda 20 qol vurub.