“Mançester Siti”dən futbolçusuna yeni müqavilə təklifi

İngiltərənin “Mançester Siti” klubunun futbolçusu Con Stounzun komandadakı taleyinə aydınlıq gəlib.

Komanda.az İngiltərə mətbuatına istinadən xəbər verir ki, 26 yaşlı futbolçu “şəhərlilər”də qalacaq. Klub müdafiəçiyə yeni müqavilə təklif edib. Məlumata görə, “Mançester Siti” uzun müddət Stounzun xidmətindən yararlanmaq istəyir. Buna görə də, ona uzunmüddətli müqavilə təklif edib. Futbolçu da komandada qalmaq niyyətindədir.

2016-cı ilin yayından “Mançester Siti”ə çıxış edən Stounzun klubla müqaviləsi 2022-ci ilin yayınadək nəzərdə tutulub.