“Ümid edirəm Messi “Mançester Siti”yə keçməz” – Mata

İngiltərənin “Mançester Yunayted” klubunun yarımmüdafiəçisi Xuan Mata adı “Mançester Siti” ilə hallanan “Barselona”nın futbolçusu Lionel Messi ilə bağlı açıqlama verib.

Komanda.az İngiltərə mətbuatına istinadən xəbər verir ki, 32 yaşlı futbolçu, Messinin “şəhərlilər”ə keçməsini istəmədiyini bildirib:

“Ümid edirəm ki, bu keçid reallaşmaz. Nələr baş verəcəyini bilmirəm, amma ümid edirəm Messi “Mançester Siti”yə keçməz. Messi Mançesterə gəlsə, ümid edirəm ki, bu, mənim klubum olar”.

Yayda “Barselona”dan ayrılmaq istədiyini açıqlayan Messinin “Mançester Siti” ilə danışıqlar apardığı deyilirdi.