Xəyal Nəcəfov üçün “100″ nömrəli forma

“Sumqayıt”ın yarımmüdafiəçisi Xəyal Nəcəfov ötən tur Premyer Liqada 100-cü matçına çıxıb.

Komanda.az xəbər verir ki, bu münasibətlə, 23-cü turun “Sumqayıt” – “Qəbələ” matçından öncə klub prezidenti Riad Rəfiyev yarımmüdafiəçiyə “100” nömrəli oyun geyimini təqdim edib.

Qeyd edək ki, “Sumqayıt” Futbol Akademiyasının yetirməsi, 2014/15 mövsümündən əsas komandanın şərəfini qoruyan “97 nömrə” Xəyal Nəcəfov meydanda olduğu 100 oyunda (6138 dəqiqə) 2 dəfə rəqib qapılarına yol tapmağa nail olub.