Valbuena: “Qarabağ”a qarşı oynasam, əlimdən gələni edəcəm”

Yunanıstanın “Olimpiakos” komandasının yarımmüdafiəçisi Matye Valbuena Avropa Liqasının qrup mərhələsinin 3-cü turu çərçivəsində “Qarabağ”a qarşı keçirəcəkləri oyundan öncə fikirlərini bölüşüb.

Komanda.az xəbər verir ki, fransalı futbolçu bu gün baş tutan mətbuat konfransında bunları söyləyib:

“Sabah mənim meydana çıxıb-çıxmamağım deyil, qələbə qazanmaq daha önəmlidir. Oynasam, qələbə üçün əlimdən gələni edəcəm. Əvvəlki iki turda məğlub olmuşuq. İlk xallarımızı qazanmaq üçün meydanda hər şeyi edəcəyik. Tamamilə oyuna köklənmişik. Baş məşqçinin tapşırıqlarını səhvsiz yerinə yetirməyə çalışacağıq ki, istəyimizə çataq”.

38 yaşlı oyunçu “Qarabağ”la matçda daha çox mübarizə aparmalı olduqlarını vurğulayıb: “Yaxşı komandamız, yüksək səviyyəli futbolçularımız var. Doğru yoldayıq. Əzmlə çalışsaq, nəticə özü gələcək”.

Sabah “Georgios Karaiskakis” stadionunda keçiriləcək “Olimpiakos” – “Qarabağ” matçına saat 23:00-da start veriləcək.

Bizi Telegramda izləyin

Bizi Facebook-da izləyin

Əlaqəli yazılar

Back to top button