Gülə-gülə, Forlan

Uruqvayın “Penyarol” klubu baş məşqçisi Dieqo Forlanla yollarını ayırıb.

Komanda.az xəbər verir ki, bu barədə klubun mətbuat xidməti məlumat yayıb. Forlanın müqaviləsinə qarşılıqlı razılaşma əsasında xitam verilib. Forlanı baş məşqçi postunda Mario Sapaleqi əvəzləyib.

Forlan 2019-cu ilin dekabrından “Penyarol”u çalışdırırdı.

Futbolçu karyerası ərzində “Mançester Yunayted”, “İnter”, “Atletiko” kimi klublarda çıxış edən Forlan, 112 dəfə də Uruqvay millisinin formasını geyinib.