UEFA “Qarabağ”ın hücumçusunu fərqləndirdi

UEFA Konfrans Liqasında çıxış edən klubların 4 futbolçusu fərqləndirilib.

Komanda.az turnirin “tvitter” hesabına istinadən xəbər verir ki, fərqləndirilən oyunçular arasında “Qarabağ”ın hücumçusu İbrahima Vadji də var.

UEFA-nın “bu həftəsonu sizi ən çox hansı hücumçu təsirləndirib” sualı ünvanlandığı postda Vadji ilə yanaşı, Niderlandın “Alkmaar” klubundan Yesper Karlsson, “Feyenoord”dan Brayan Linssen və Fransanın “Renn” komandasından Marten Terye də yer alıb.

İbrahima Vadji Premyer Liqada “Qarabağ”ın “Sabah”a 5:1 hesabı ilə qalib gəldiyi matçda dubl edib.