Tuxel Ranqnik haqda: “Buna əhəmiyyət verməyəcəm”

“Bayern”in baş məşqçisi Tomas Tuxel klubun Ralf Ranqniklə danışıqlar aparması ilə bağlı sualı cavablandırıb.

Komanda.az xarici KİV-ə istinadən xəbər verir ki, almaniyalı mütəxəssis bunun onun mövzusu olmadığını bildirib:

“Ranqnik haqqında şayiələr var? Bu, səhər saat 3-də səs-küy salan qonşu kimidir. Qulaqlıqlarımı səssiz rejimə qoyub, buna əhəmiyyət verməyəcəm. Nə sabahkı matçda, nə də çərşənbə axşamı bu mənə kömək etməyəcək. Bu, mənim mövzum deyil”.

“Bayern” aprelin 27-də, Almaniya çempionatının növbəti turunda evdə “Ayntraxt”ı qəbul edəcək.

Münhen klubu fevral ayında Tuxelin cari mövsümün sonunda komandadan ayrılacağını açıqlayıb. Onu Avstriya millisinin baş məşqçisi Ranqnikin əvəzləyəcəyi gözlənilir.