“Qalatasaray” “Mançester Yunayted”ə təklif göndərib – Uruqvaylı üçün

“Mançester Yunayted”in uruqvaylı yarımmüdafiəçisi Manuel Uqarte Türkiyə çempionatında çıxış edə bilər.

Komanda.az xarici KİV-ə istinadən xəbər verir ki, 24 yaşlı oyunçu ilə “Qalatasaray” maraqlanır.

İstanbul klubu “qırmızı şeytanlar”la transferlə bağlı danışıqlara başlayıb və Uqarte üçün maliyyə baxımından sərfəli təklif irəli sürüb.

Uqartenin ingilislərlə müqaviləsinin müddəti 2029-cu ilin yayına qədərdir. O, cari mövsümdə 11 oyunda meydana çıxıb.