Torres iş yerini dəyişəcək

“Atletiko”nun gənclər komandasının məşqçisi Fernando Torres İspaniya klubunun ikinci komandasına rəhbərlik edə bilər.

Komanda.az AS nəşrinə istinadən xəbər verir ki, 2023/2024 mövsümü başa çatdıqdan sonra Torres gənclər komandasındakı işini başa vuracaq və əvəzedici komandaya yüksələcək. O, “Atletiko”nun ikinci komandasının “sükanı arxasında” Lui Theveneti əvəz edəcək.

Torres 2019-cu ilin yayında futbolçu karyerasını bitirdiyini açıqlayıb. 40 yaşlı keçmiş hücumçu “Atletiko”, “Çelsi” və “Liverpul”dakı çıxışları ilə tanınır. O, İspaniya millisi ilə birlikdə dünya və Avropa çempionu olub.