Top “Sabah”ın qapısına daxil olmuşdumu? – 960 manatlıq mükafat VİDEO

“Sabah” klubu “Qol var idimi?” müsabiqəsi elan edib.

Komanda.az klubun “facebook” səhifəsinə istinadən xəbər verir ki, mövzu “Keşlə” ilə oyunun 90+6-cı dəqiqəsində verilən qol qərarıdır. Həmin epizodda top “Sabah”ın qapısına daxil olmuşdumu?

Təqdim edilən videonu izləyib, fikrini daha dolğun izah edən şəxsi 960 manat məbləğində mükafat gözləyir. Bunun üçün “Sabah”la bağlılığı olmayan 3 mütəxəssisdən ibarət münsiflər heyəti yığılacaq. Onların rəyi əsasında ən tutarlı fikir irəli sürən şəxs idman verilişlərindən birinə dəvət alacaq, fikrini mütəxəssislərə əsaslandıraraq, mükafata sahib çıxacaq.

“Sabah” – “Keşlə” matçı 1:1 hesabıyla bitib.

Müsabiqədə iştirak etmək istəyənlər bu linkə girib fikirlərini bildirə bilərlər:
https://www.facebook.com/watch/?v=337180566957054