“The Best”: Emin Mahmudov kimə səs verib?

Ötən gecə “The Best”in səsverməsində Azərbaycan millisinin kapitanı Emin Mahmudov və yığmanım keçmiş baş məşqçisi Canni de Byazi də iştirak edib.

Komanda.az xəbər verir ki, Mahmudov ilin ən yaxşı kişi futbolçusu nominasiyasında Erlinq Halanda 5, Lionel Messiyə 3, Kevin de Bruyneyə isə 1 səs verib.

Canni De Byazi Erlinq Halanda 5, Kilian Mbappeyə 3, Bernardo Silvaya isə 1 səs verib.

Azərbaycanlı jurnalist Rasim Mövsumzadə isə Lionel Messiyə 5, Erlinq Halanda 3, İlkay Gündoğana isə 1 səs verib.

İlin ən yaxşı qapıçısı nominasiyası üzrə Mahmudov 5 xalı Tibo Kurtuaya, 3 xalı Andre Onanaya, 1 xalı Edersona ünvanlayıb.

De Byazi Tibo Kurtuaya 5, Andre Onanaya 3, Yassin Bonoya 1 səs verib.