TFF bu müddətdə bütün oyunların təxirə salındığını açıqladı

Türkiyə Futbol Federasiyası (TFF) bəyanat yayıb.

Komanda.az xəbər verir ki, qurum ölkədə baş verən zəlzələ səbəbindən 5 gün müddətinə bütün oyunları təxirə salıb.

TFF fevralın 7-dən 12-dək proqramda olan bütün peşəkar və həvəskar çempionatların təxirə salındığını açıqlayıb.

10-13-ü aralığında keçirilməli olan Super Liqa və digər liqaların matçları 17-20 fevralda oynanılacaq. Digər turlar isə buna uyğun planlaşdırılacaq. Super Liqa çərçivəsində dünən keçirilməli olan “Ümraniyespor” – “Adana Dəmirspor”, “Giresunspor” – “Kayserispor” və “Fənərbaxça” – “Konyaspor” görüşləri isə 21-23 fevralda baş tutacaq.

Təxirəsalma səbəbindən yüksək liqanın 24-cü və 25-ci turunun təqvimi yenidən formalaşacaq.