“Bayern” Ten Haq üçün danışıqlar aparıb

“Mançester Yunayted”in baş məşqçisi Erik ten Haq karyerasını “Bayern”də davam etdirə bilər.

Komanda.az xarici KİV-ə istinadən xəbər verir ki, son həftələr Münhen klubu ilə mütəxəssisin nümayəndələri arasında danışıqlar aparılıb.

Niderlandlı məşqçinin “Mançester Yunayted”dəki gələcəyi hələ müəyyənləşməyib. O, müqaviləsini 2025-ci ilə qədər davam etdirmək istəyir. Amma mövsümün sonunda postunu tərk etməli olsa, “Bayern”ə rəhbərlik etməyə hazırdır.

“Qırmızı şeytanlar” Premyer Liqanın 34 turundan sonra 54 xalla turnir cədvəlinin 6-cı pilləsində qərarlaşıb.