“Yuventus”un “radar”ındadır – “Roma”nın qapıçısı

“Yuventus” yay transfer dönəmində yeni qapıçı axtarışını davam etdirir.

Komanda.az “Tuttosport”-a istinadən xəbər verir ki, Turin təmsilçisinin maraq dairəsində “Roma”nın qolkiperi Mile Svilar yer alır. Paytaxt klubu 26 yaşlı qapıçının transferi üçün 35-40 milyon avro məbləğində təzminat tələb edir.

Svilar 2022-ci ildə “Benfika”dan azad agent kimi ayrılaraq “Roma”ya keçib. Onun klubu ilə müqaviləsinin müddəti 2030-cu il iyunun 30-na qədərdir. Qapıçı 2025/26 mövsümündə bütün turnirlərdə 48 oyunda meydana çıxıb. O, bu matçlarda 44 qol buraxıb, 21 qarşılaşmada isə qapısını toxunulmaz saxlamağı bacarıb.

“Transfermarkt” portalı Sviların dəyərini 35 milyon avro olaraq qiymətləndirir.