“Şəki” pley-offa yüksəldi

“Şəki” Azərbaycan Basketbol Liqasında pley-offa vəsiqə qazanıb.

Komanda.az xəbər verir ki, bölgə təmsilçisi pley-in mərhələsinin ikinci oyununda “Quba” ilə üz-üzə gəlib. Qarşılaşma “Şəki”nin qələbəsi ilə bitib – 120:77. İlk görüşdə də qalib gələn komanda (101:89) pley-offa yüksəlib.

Günün ikinci matçında “Sərhədçi” “Naxçıvan”la münasibətlərə aydınlıq gətirəcək. İlk oyunda naxçıvanlılar qalib gəlib – 98:87.