“Şəfa” qambiyalı futbolçunun transferini açıqladı

“Şəfa” klubu növbəti transferini reallaşdırıb.

Klubdan Komanda.az-a verilən məlumata görə, müdafiəçi Maudu Lamine Jarjue ilə 2 illik müqavilə imzalanıb.

28 yaşlı qambiyalı futbolçu ikinci dəfə Azərbaycanda çıxış edəcək. O, daha əvvəl “Səbail”in formasını geyinib.

Jarjue peşəkar futbolçu karyerasına Portuqaliyanın “Jil Visente” klubunda başlayıb. Eyni zamanda, Avstriyanın “Austria” (Vyana), İsveçin “Elfsborq”, Slovakiyanın “Slovan” (Bratislava), Norveçin “Sandefyord” və Şimali Makedoniyanın “Struqa” komandalarında çıxış edib.

Maudo Lamine Jarjue Qambiya millisinin də üzvü olub və 2 matçda meydana çıxıb.