Super Liqa klubu yeni baş məşqçisini açıqladı – rəsmi

Türkiyənin “Ərzurumspor” klubunun yeni baş məşqçisi müəyyənləşib.

Komanda.az xəbər verir ki, bu barədə klubun mətbuat xidməti məlumat yayıb.

Komanda Məsut Bakkala tapşırılıb. O, bu postda Hüseyn Çimşiri əvəzləyəcək.

56 yaşlı mütəxəssislə cari mövsümün sonunadək nəzərdə tutulan müqavilə imzalanıb.

“Ərzurumspor” Super Liqada keçirdiyi 14 turdan sonra 9 xalla turnir cədvəlinin sonuncu pilləsində qərarlaşıb.