“Sumqayıt”ın futbolçusu 6-9 ay yaşıl meydanlardan kənarda qalacaq

“Sumqayıt”ın futbolçusu Kənan Feyziyev əməliyyat olunub.

Komanda.az xəbər verir ki, bu barədə klub məlumat yayıb.

Azərbaycan Premyer Liqasının 32-ci turunda, “Zirə” ilə matçın gedişində zədələnən gənc müdafiəçinin Türkiyənin paytaxtı Ankaradakı əməliyyatı uğurlu keçib.

Ön çarpaz bağ və menisk əməliyyatı keçirən Kənan Feyziyevin 6-9 ay sonra yaşıl meydanlara dönüşü gözlənilir.