“Sabah” yeni baş məşqçisini açıqladı – RƏSMİ

“Sabah” komandasında yeni baş məşqçi təyinatı rəsmiləşib.

Komanda.az kluba istinadən xəbər verir ki, paytaxt təmsilçisi xorvatiyalı mütəxəssis Krunoslav Renduliçlə 1,5 illik müqavilə bağlayıb.

Renduliç karyerası ərzində İranın “Fulad” (2014-2016) və bu ölkəsinin əsas milli komandasında (2022) köməkçi məşqçi, həmçinin Xorvatiyanın “İstra 1961” (2018/19), “Şibenik” (2019-2021), “Qoritsa” (2021-2022), Bosniya və Herseqovinanın “Zrinski” (2022-2023) klublarında baş məşqçi kimi çalışıb.

Xorvatiyalı məşqçi “Zrinski” ilə Bosniya və Herseqovina çempionu və kubokunu qazanıb (2022/2023), bu klubu UEFA Konfrans Liqasının qrup mərhələsinə çıxarıb (2023/2024).