Ronaldo Əli Daeinin rekordunu qırdı

Futbol üzrə Portuqaliya millisinin hücumçusu Kristiano Ronaldo yeni rekorda imza atıb.

Komanda.az xəbər verir ki, 36 yaşlı hücumçu milli komandada vurduğu qolların sayına görə mütləq rekordçuya çevrilib.

O, buna DÇ-2022-nin seçmə mərhələsi çərçivəsində İrlandiyaya qarşı keçirdikləri ev oyununda nail olub. Bu oyuna qədər hesabında 109 qol olan futbolçu, 89-cu dəqiqədə komandasının bərabərlik qoluna imza atıb. Məhz bu qolla o, tarixə keçib. Ronaldo 90+6-cı dəqiqədə fərqlənməklə həm komandasına əzmkar qələbə qazandırıb, həm də yığmada 111-ci qolunu vurub.

Ronaldodan öncə dünya rekordu İran milli komandasının Azərbaycan əsilli sabiq forvardı Əli Daeiyə məxsus idi. O, İran millisində 109 qol vurub.

Bizi Telegramda izləyin

Bizi izləyin Bizi Facebook-da izləyin

Əlaqəli yazılar

Back to top button