“Liverpul”un futbolçusu “Real”ın “radar”ında

“Real” İngiltərənin “Liverpul” klubunun futbolçusu Trent Aleksander-Arnoldla maraqlanır.

Komanda.az xəbər verir ki, bu barədə İspaniya mətbuatı məlumat yayıb. Xəbərdə, Madrid klubunun Trenti müdafiəçi Dani Karvahala əvəzləyici kimi gördüyü bildirilib.

Karvahal bu mövsüm tez-tez zədələnir və komandasına kömək edə bilmir. “Real” bu mövqeyə Arnoldu transfer edərək, problemi həll etmək istəyir.

“Liverpul”la müqaviləsi 2025-ci ilin yayına qədər olan ingilis futbolçunun “transfermarkt”da dəyəri 75 milyon avrodur.