“Qarabağ”la “Neftçi” 84-cü dəfə üz-üzə

Futbol üzrə Azərbaycan Premyer Liqasının 3-cü turunda “Qarabağ” səfərdə “Neftçi” ilə qarşılaşacaq.

Komanda.az xəbər verir ki, bu, komandaların çempionatda 84-cü oyunu olacaq.

Buna qədər 30 dəfə “Qarabağ”, 23 dəfə “Neftçi” qalib gəlib. Komandalar 30 oyunda da meydanı bərabərliklə tərk ediblər.

Qələbə sayında olduğu kimi, top fərqində də “Qarabağ”ın üstünlüyü var – 92-76.

Qeyd edək ki, sentyabrın 12-də “Bakcell Arena”da keçiriləcək “Neftçi” – “Qarabağ” matçına saat 20:30-da start veriləcək.