ÇL-də püşk atıldı: “Qarabağ” APOEL-lə qarşılaşa bilər

“Qarabağ”ın UEFA Çempionlar Liqasının 3-cü təsnifat mərhələsindəki potensial rəqibi müəyyənləşib.

Komanda.az xəbər verir ki, Qurban Qurbanovun rəhbərlik etdiyi kollektiv “Dandalk” (İrlandiya) səddini keçsə, APOEL (Nikosiya, Kipr) – “Sutyeska” (Monteneqro) cütünün qalibi ilə qarşılaşacaq.

Çempionlar Liqasının 3-cü təsnifat mərhələsinin oyunları avqustun 6-7-də və 13-14-də olacaq. “Qarabağ” 3-cü mərhələyə vəsiqə qazansa, ilk oyununu səfərdə keçirəcək.

“Qarabağ” “Dandalk”la ilk oyununu səfərdə, iyulun 24-də keçirəcək. Komandalar arasındakı cavab matçı isə avqustun 31-də olacaq.

Çempionlar Liqası, 3-cü təsnifat mərhələsi

APOEL (Nikosiya, Kipr)/Sutyeska – Dandalk (İrlandiya)/Qarabağ (Azərbaycan) cütünün qalibi