“Qarabağ”ın yeni transferinin forma nömrəsi bilindi

“Qarabağ”ın “Bornmut”dan transfer etdiyi Asmir Beqoviçin forma nömrəsi bəlli olub.

Komanda.az xəbər verir ki, 32 yaşlı qapıçı “köhlən atlar”da 1 nömrəli formanı geyinəcək. Bu barədə klubun rəsmi “facebook” səhifəsi məlumat yayıb.

“Qarabağ”da 1 nömrəli formanın son sahibi island qolkiper Hannes Halldorsson olub.

“Qarabağ” Beqoviçi “Bornmut”dan 4 aylıq icarəyə götürüb. Qapıçı peşəkar karyerasına İngiltərənin “Portsmut” klubunda başlayıb. 2017-ci ildən “Bornmut”da forma geyinən Beqoviç “İpsviç”, “Stok Siti”, “Çelsi” kimi klublarda çıxış edib.