“Qarabağ” “Neftçi”nin rekordunu təkrarladı

“Qarabağ” Azərbaycan çempionatlarında 138-ci böyükhesablı qələbəsini qazanaraq, “Neftçi”nin rekordunu təkrarlayıb.

Komanda.az Peşəkar Futbol Liqasının rəsmi saytına istinadən xəbər verir ki, bu, Premyer Liqanın 8-ci turunda “Sumqayıt”la görüşə təsadüf edib.

Ağdam təmsilçisi rəqibini 5:0 hesabı ilə üstələyərək, 138-ci böyükhesablı qalibiyyətini əldə edib.

“Qarabağ” həm də, öz meydanında qazanılan belə qələbələrin sayında “Neftçi”yə çatıb. Hər iki komanda evdə 89 dəfə 3 və ya daha çox top fərqi ilə qalib gəlib.

Ağdamlılar ölkə çempionatlarında ilk böyükhesablı qələbələrini 1992-ci il mayın 6-da Kürdəmir “Şirvan”ı ilə qarşılaşmada əldə ediblər – 6:0.