“Qalatasaray”ın yeni transferi əməliyyat olunacaq

“Qalatasaray” klubu ciddi itki ilə üzləşib.

Komanda.az xəbər verir ki, İstanbul təmsilçisinin futbolçusu Barış Alpər Yılmaz sıradan çıxıb. Bu barədə klubun mətbuat xidməti məlumat yayıb.

Türkiyənin U-21 yığmasının düşərgəsində əlindən zədə alan Barışın əməliyyat olunacağı bildirilib. 21 yaşlı yarımmüdafiəçinin 3-4 həftə yaşıl meydanlardan uzaq qalacağı gözlənilir.

Türk futbolçu bu yay “Ankara Keçiörəngücü”dən “Qalatasaray”a keçib. O, İstanbul təmsilçisi ilə 4 oyuna çıxıb.