Droqba ilə görüşməyi arzulayan futbolçu

“Çelsi”nin hücumçusu Nikolas Cekson klubun sabiq forvardı Didye Droqba ilə görüşmək arzusunda olduğunu bildirib. 

Komanda.az xəbər verir ki, “talkSPORT”-a danışan 25 yaşlı futbolçunun dediyinə görə, “zadəganlar”ın keçmiş hücumçusu ilə indiyə qədər üz-üzə gəlmək imkanı olmayıb: 

“Bu, heyrətamiz olardı. Çünki Didye Droqba əfsanədir və mən onu uşaqlıqdan izləyirəm. Amma biz heç vaxt Didye ilə əlaqə saxlamamışıq. Ona görə ki, o, Fil Dişi Sahilindən, mən isə Seneqaldanam. Demba Ba ilə danışırdım, çünki o, “Çelsi”də oynayıb və seneqallıdır. Amma Didye ilə heç əlaqəmiz olmayıb. Ümid edirəm ki, nə vaxtsa onunla görüşəcəm və onun kimi olmağın yollarını özündən öyrənəcəm”.

Cekson bu mövsüm bütün turnirlərdə “Çelsi”nin heyətində 27 matçda iştirak edib, 9 qol vurub, 3 məhsuldar ötürmə edib.