“Neftçi”nin sabiq futbolçusu Sinqapur klubunda – Rəsmi

Yaponiyalı tanınmış yarımmüdafiəçi Keysuke Honda karyerasını yeni ölkədə davam etdirəcək.

Komanda.az xarici KİV-ə istinadən xəbər verir ki, 39 yaşlı futbolçu Sinqapur çempionatında çıxış edən “Juronq”la müqavilə imzalayıb. O, yeni komandasında gələn mövsümdən etibarən meydana çıxacaq.

Yapon futbolçu Avstraliya, Niderland, Meksika, Azərbaycan (“Neftçi”) və Butan kimi ölkələrin klublarında da çıxış edib.

O, Yaponiya millisinin heyətində 98 oyun keçirib və 37 qol vurub.