“Neftçi” səfər oyunlarında problem yaşayır” – Feldhofer

Avstriyanın “Rapid” komandasının baş məşqçisi Ferdinand Feldhofer evdə “Neftçi”yə qarşı keçirəcəkləri UEFA Konfrans Liqasının 3-cü təsnifat mərhələsinin cavab oyunundan əvvəl yerli mətbuata açıqlamam verib.

Komanda.az xəbər verir ki, 43 yaşlı baş məşqçi yerli publika önündə tam fərqli oyun olacağını deyib:

“Neftçi” bir neçə saat təyyarədə uçduqdan və bura çatdıqdan sonra iqlim fərqini hiss edəcək. Azarkeşlərimizin qarşısında tam fərqli oyun olacaq”.

Feldhofer pley-offa çıxmaq şanslarının davam etdiyini bildirib:

“Bundan necə yararlanacağımız isə özümüzdən asılıdır. Nəticələr göstərir ki, rəqib səfər oyunlarında problem yaşayır.

Penaltilər seriyasını istəmiriksə, oyunu iki top fərqi ilə qazanmalıyıq. Bizə də məhz bu lazımdır. Amma oyunun startında riskə girməyəcəyik”.

Avqustun 11-də Vyanadakı “Alyants” stadionunda keçiriləcək qarşılaşma saat 22:30-da başlayacaq. Bakıdakı ilk görüşdə “Neftçi” 2:1 hesablı qələbə qazanıb.