“Neftçi” qapıçısı ilə vidalaşdı

“Neftçi” klubu qapıçısı Kamran İbrahimovla yollarını ayırıb.

Komanda.az paytaxt təmsilçisinin rəsmi saytına istinadən xəbər verir ki, 23 yaşlı qolkiperin başa çatan müqaviləsi yenilənməyib.

“Neftçi”nin yetirməsi olan İbrahimov əsas komandanın heyətində 10 rəsmi oyunda meydana çıxıb. Futbolçu onadək aşağı yaş qrupu komandaların və “Neftçi-2”nin qapısını qoruyub.