“Neftçi”nin futbolçularının əlindən çıxan 3 min manat

“Neftçi” Azərbaycan Premyer Liqasının 10-cu turunda “Qarabağ”la qolsuz bərabərə qalıb.

Komanda.az-a “Neftçi”yə yaxın mənbədən verilən məlumata görə, “ağ-qaralar” Ağdam təmsilçisi ilə oyunda qələbə qazana bilməməklə nəzərdə tutulan pul mükafatından da məhrum olublar. Belə ki, “neftçilər” bu oyunda 3 xal qazansaydılar, futbolçulara mükafat vəd olunmuşdu. Əldə etdiyimiz məlumata görə, “Neftçi” rəhbərliyi “Qarabağ”la oyunda qələbə üçün meydana çıxan hər bir futbolçuya 3 min manat pul mükafatı verəcəkdi.

Heç-heçə üçün isə heç bir mükafat vəd olunmayıb.

“Qarabağ” hazırda 26 xalla Premyer Liqada liderdir. “Köhlən atlar”ın ən yaxın izləyicisi isə “Neftçi”dir. “Qarabağ”ın çempionluq yolunda yeganə rəqibi olan bakılıların aktivində 18 xal var.