“Napoli” Fransa klubu ilə razılığa gəlib

“Lill”in hücumçusu Conatan David cari mövsümün sonunda Fransa klubunu tərk edə bilər.

Komanda.az “Football Italia”-ya istinadən xəbər verir ki, “Napoli” 24 yaşlı futbolçunu almaq üçün Fransa klubu ilə razılaşıb. Hücumçunun müqaviləsi 5 illik olacaq və maaşı mövsümdə təxminən 3 milyon avro təşkil edəcək.

David 2020-ci ilin avqustundan “Lill”də çıxış edir. Kanadalı futbolçu klubda 177 oyun keçirib, 81 qol vurub və 16 məhsuldar ötürmə edib.