“Messini inandırmaq dörd il yarım çəkdi”

“İnter Mayami”nin həmsahibi Jorge Mas hücumçu Lionel Messinin kluba keçidinin təfərrüatlarını danışıb.

Komanda.az xarici KİV-ə istinadən xəbər verir ki, o, dünya çempionu ilə müqavilə imzalamağı planlaşdırdıqda heç kimin ona inanmadığını söyləyib:

“Hamı mənə onun “İnter Mayami”yə gələcəyini düşündüyüm üçün dəli olduğumu söylədi. Dünyanın ən yaxşı oyunçusu ailəsi ilə əyləndiyi Mayamiyə gəlsə, bundan yaxşı nə ola bilər?

Messini inandırmaq və ailəsi ilə birlikdə qərar verməyə təşviq etmək dörd il yarım çəkdi. Mən heç vaxt inamımı itirmədim”.

Argentinalı futbolçu yayda azad agent kimi “İnter Mayami”yə keçib. O, zədə səbəbindən komandasının son üç oyununu, o cümlədən ABŞ Açıq kubokunun final matçını buraxıb.