“Mbappe əvvəlki kimi təhlükəli deyil” – Keçmiş futbolçu

Fransalı keçmiş müdafiəçi Biksant Lizarazyu UEFA Millətlər Liqasında İtaliyaya məğlubiyyətdən (1:3) sonra komandanın hücumçusu Kilian Mbappenin çıxışı haqda tənqidi danışıb.

Komanda.az “RMC Sport”-a istinadən xəbər verir ki, fransalı sabiq futbolçu, Mbappenin əvvəlki kimi partlayıcı və təhlükəli olmadığını bildirib:

“İndi Mbappe əvvəlkindən daha gərgindir. O, hələ də öz oyununu tam tapa bilmir. Kilian artıq əvvəlki kimi partlayıcı və təhlükəli deyil. Amma o, yaxşı futbolçu olaraq qalır, buna şübhə yoxdur. Sadəcə, indi Mbappe əvvəlki kimi qorxuducu deyil”.

Mbappe bu yay azad agent kimi “Real”a keçib. O, Madrid klubu ilə 5 illik müqavilə imzalayıb.