İtaliyalı məşqçi “Mançester Yunayted”ə “yox” deyib

“Mançester Yunayted” Səudiyyə Ərəbistanının “Əl-Hilal” komandasının baş məşqçisi Simone İnzaqinin mümkün təyinatı ilə maraqlanıb.

Komanda.az xarici KİV-ə istinadən xəbər verir ki, klub Ruben Amorimin baş məşqçi postundan uzaqlaşdırılmasından sonra İnzaqi ilə bağlı sorğu göndərib. Ancaq italiyalı mütəxəssis “Əl-Hilal”dakı fəaliyyətini davam etdirmək qərarına gəlib.

Amorimin “Mançester Yunayted”dən ayrıldığı yanvarın 5-də rəsmən açıqlanıb.

“Qırmızı şeytanlar” hazırda İngiltərə Premyer Liqasında 20 oyundan sonra topladığı 31 xalla turnir cədvəlinin 6-cı pilləsində qərarlaşıb.