A Seriyası klubunda yeni baş məşqçi

İtaliyanın “Kalyari” klubunda baş məşqçi təyinatı gerçəkləşib.

Komanda.az xəbər verir ki, A Seriyası təmsilçisinin “sükan”ı Valter Matsariyə tapşırılıb. Bu barədə klubun mətbuat xidməti məlumat yayıb. Matsari ilə 3 illik müqavilə imzalanıb.

60 yaşlı mütəxəssis bu vəzifədə bir müddət əvvəl istefaya göndərilən Leonardo Sempliçini əvəzləyib.

Matsari daha əvvəl İtaliyada “İnter”, “Napoli”, “Sampdoriya” və “Torino”da baş məşqçilik edib.

“Kalyari” A Seriyasında 3 turdan sonra 1 xalla 17-ci sıradadır.